សាគូ ញាត់សាច់ជ្រូក ឬមាន់

ពិតជាវីកវាយណាស់សម្រាប់ថ្ងៃនេះ EZCOOKINGMENU សូមនាំមកជូន វិធីធ្វើសាគូ ញាត់ សាច់ជ្រូក ឬ មាន់។ សូមអនុវត្តដូចតទៅ៖

គ្រឿងផ្សំ៖

1. សាច់ជ្រូក ឬ សាច់ មាន់ ក៏បានតាមចំណូលចិត្ត ( លាង ទឹកអោយស្អាត យកទៅ ចិញ្ច្រាំ ）

2. សាគូ យក ( ទៅត្រាំទឹក មួយ យប់ ឬ ក៏ត្រាំទឹកក្តៅ 5 ទៅ 6 ម៉ោង )

3. សណ្ដែកដីលីង （ យកទៅបុកអោយម៉ត់ ）

4. ឆៃថូវផ្អែម ( យកទៅត្រាំទឹក បន្តិច ទេីប លាងទឹកអោយស្អាត រួចយកទៅចិញ្ច្រាំ )

5. ខ្ទឹមស . ខ្ទឹមក្រហម. គល់ជីវ៉ាន់ស៊ុយ （ កយទៅចិញ្ច្រាំ ）

6. ស្គរស ឬ ស្គរត្នោត. បីចេង. ទឹកសីុអីុវ. ប្រេងល្ង. ប្រេងខ្យង.ម្រេចម៉ត់

វិធីធ្វើ៖

1. ដំបូង យកខ្ទះ ដាំប្រេងឆា អោយក្ដៅ 

2. ចាក់ ខ្ទឹមស ខ្ទឹមក្រហម គល់ជីវ៉ាន់ស៊ុយ ចូលលីងអោយឈ្ងុយ ដាក់សាច់ជ្រូកចិញ្ច្រាំ កូរអោយឆ្អិន បន្តិច 

3. ចាក់ឆៃថូូវ ដាក់ស្គរស ឬ ស្គរត្នោត ទឹកសីុអីុវ ប្រេងខ្យង ប្រេងល្ង ម្រេចម៉ត់ បីចេង រួចកូរអោយសព្វ ចាក់សណ្ដែកដីបុក ចូល ភ្លក់រសជាតិប្រៃផ្អែមល្មម ឆារហូតទាល់តែដាច់ទឹក ( អោយស្ងួតទឹក) ទេីបបិតភ្លេីង រួយយកគ្រឿងសាច់ដែលឆាទុកសំរាប់ធ្វេីស្នូលសូនតូចៗ ទុកមួយអន្លេីរ 

4. ស្រង់សាគូ ដែលត្រាំ ទឹកនោះ យកទៅ ចំរោះអោយស្ងួតទឹក រួចយកកាធុនមួយចាក់សាគូចូលដាក់ប្រេងឆា បន្តិច ច្របាច់ ម្សៅសាគូអោយស្អិតបន្តិច រួចយកមួយដុំៗល្មម លុញអោយសំប៉ែតៗ ទេីមយកស្នូលដែលសូនរួច មកដាក់ ហេីយសូនម្សៅសាគូអោយមូលៗ វិញ រួចយកទៅស្ងោ ឬ ចំហុយ ក៏បាន ជាការស្រេច 

5. ពេលឆ្អិន យេីង អាចញុំ ជាមួយ បន្លែរ សាឡាត់ .ជីវ៉ាន់ស៊ុយ. បន្ថែមជាមួយខ្ទឹមបំពង នឹងសណ្ដែកដីលីង រិតតែមានឱជារសឆ្ងាញ់

រូបភាព៖