សួរស្ត!! ប្រិយមិត្ត EZCOOKINGMENU ទាំងអស់គ្នា ថ្ងៃនេះពិតជាពិសេសណាស់ សូមបង្ហាញជូនពីរបៀបឆាខ្ញីឆ្អឹងជំនីរជ្រូក។ សូមអនុវត្តតាមជំហ៊ានខាងក្រោម៖
គ្រឿងផ្សំ៖
1. ឆ្អឹងជំនីរជ្រូក (ជាប់ឆ្អឹងខ្ចី)
2. ខ្ញីចាស់
3. ស្លឹកក្រូចសើច
4. ស្លឹកខ្ទឹម
5. ខ្ទឹមស
6. ម្ទេស
7. ទឹកត្រីកោះកុង
8. ប្រេងឆា
9. ម្សៅស៊ុប
10. ស្ករស
11. អំបិល
វិធីធ្វើ៖
1. ដំបូងខ្ញីត្រូវហាន់ជាសរសៃស្ដើងវែងៗ
2. រួចយកទៅបំពងជាមួយប្រេងឆា
3. រួចសឹមស្រង់វាទុកមួយអន្លើ។
4. ឆ្អឹងជំនីរជ្រូកត្រូវកាត់ជាកង់ៗហើយប្រឡាក់ជាមួយខ្ទឹមសចិញ្ច្រាំ ព្រមទាំងគ្រឿងផ្សំរសជាតិមានម្សៅស៊ុប ស្ករស និងអំបិល តែបន្តិចបន្តួចប៉ុណ្ណោះហើយផ្អាប់ទុកមួយសន្ទុះ។
5. បន្ទាប់មកដាក់ខ្ទះឲ្យក្ដៅ រួចចាក់ប្រេងឆាជាមួយខ្ទឹមសចិញ្ច្រាំ។
6. ឆាឆ្អឹងជំនីរជ្រូកដោយបន្ថែមទឹកបន្តិចដើម្បីកុំឲ្យវាខ្លោច។
7. ពេលដែលឆ្អឹងជំនីរឆ្អិន ចាប់ផ្ដើមដាក់ខ្ញីបំពងចូល រួចបន្តរំលីងឲ្យស្ងួត សឹមដាក់ស្លឹកក្រូចសើច គល់ខ្ទឹម និងម្ទេស ហើយដួសដាក់ចាន។
ចំណាំ៖
1. ចំពោះវិធីលាយទឹកត្រីកោះកុងនោះគឺដំបូងត្រូវបុកខ្ទឹមសឲ្យច្រើន ជាមួយនឹងម្ទេសស្រស់ ហើយច្របាច់ក្រូចឆ្មារ មុននឹងចាក់ទឹកត្រី និងស្ករសកូរឲ្យសព្វជាការស្រេច។
2. ឆ្អឹងជំនីរជ្រូកខ្ចីឆាខ្ញីនេះអាចទទួលទានជ្រលក់ជាមួយទឹកត្រីកោះកុង។
No comments:
Post a Comment